Цаг уурын мэдээ > Хөдөө аж ахуйн цаг уурын тойм
ДОРНОГОВЬ АЙМГИЙН 2024 ОНЫ 06 ДУГААР САРЫН III - 10 ХОНОГИЙН ЦАГ АГААРЫН НӨХЦЛИЙН ТОЙМ МЭДЭЭ
![](/images/blank.gif)
![](/images/blank.gif)
ДОРНОГОВЬ АЙМГИЙН 2024 ОНЫ 06 ДУГААР САРЫН III - 10 ХОНОГИЙН
ЦАГ АГААРЫН НӨХЦЛИЙН ТОЙМ МЭДЭЭ
Температур: Агаарын дундаж температур нийт нутгаар 19.1-22.6 градус дулаан, олон жилийн дундажтай харьцуулахад Хөвсгөл, Сайхандулаан, Улаанбадрах сумдад ОЖД-аас 1.1-1.4 градусаар хүйтэн, бусад нутгаар ОЖД-ийн орчимд буюу 0.0-1.0 градус байлаа. Агаарын үнэмлэхүй их температур нутгийн +32-...+37 градус, үнэмлэхүй бага температур нийт нутгаар +6.....+10 градус ажиглагджээ. Хөрсний гадаргын дундаж температур нийт нутгаар +23....+30 градус дулаан, үнэмлэхүй их температур +52-...+60 градус дулаан, үнэмлэхүй бага нь нийт нутгаар +4...+11 градус дулаан байлаа.
Хур тунадас: Дунд 10 хоногт нийт нутгаар 2.3-23.3 мм бороо орсон ба Дэлгэрэх 23.3, Сайншандад 16.6, Айрагт 21.1, Алтаншрээд 17.9, Эрдэнэ суманд 15.3 мм тус тус ОЖД-аас АХИУ орж, Мандах суманд ОЖД-ийн орчим, бусад нутгаар ОЖД-аас бага оржээ.
Салхи: Энэ 10 хоногт нийт нутгаар салхи харьцангуй гайгүй байсан бөгөөд аадар борооны өмнөх нөөлөг салхины үзэгдэл нилээн ажиглагдсан. Энэ үед салхины хурд огцом өсч, богино хугацаанд салхилаад өнгөрдөг байгаа. Салхины өрөвхийлөлт болон их хурд Мандах, Дэлгэрэх, Хөвсгөл, Сайхандулаан сумдад секундэд 26-31 метр хүрч салхилсан байна.
Бэлчээрийн ургамал: Тус 10 хоногт нийт нутгаар бороо хур харьцангуй орсон ч гэсэн бэлчээрийн ургамлын ургалтанд сэргэлт өгч нөлөөлж амжаагүй байна. Иххэт, Дэлгэрэх сумдад зуншлага “Сайн”, Айраг, Алтанширээ, Сайншанд сумдад ургамлын өндөр 6-8 см-тэй, зуншлагын байдал “Дунд зэрэг”, бусад сумдад бэлчээрийн ургамлын гэмтэл ажиглагдсан, зуншлагын байдал “Муу” байна. Эрдэнэ суманд бэлчээрийн ургамлын таана дөнгөж цухуйлт эхлээд байна, өөр ургамал цухуйлтгүй, ургамлын ургалтын үнэлгээгээр “Маш муу” үнэлэгдээд байна.
МАА-н үйлдвэрлэлд: Цаг агаарын нөхцлөөс болж малын бэлчээрлэлт саатсан тохиолдол гараагүй хэдий ч ургамлын ургалт одоог хүртэл малд төдийлөн таатай идэшлэх боломж бүрдээгүй, зуншлага оройтсон, малчид Дэлгэрэх, Алтанширээ, Иххэт суманд отор нүүдэл хийсээр байна.